Xəbərlər
11.08.2026 10:00
82
Malavidə donor yardımlarının azalması yeni maliyyə yollarını gündəmə gətirib
Malavidə xarici donorların maliyyə dəstəyini azaltması ölkənin səhiyyə xərclərini qarşılamaqda çətinliklər yaradır. Bu səbəbdən parlament ölkənin daxili gəlirlərini artırmaq üçün yeni yollar axtarır.
QHT.az xarici mediaya istinadən bildirir ki, deputatlar vergi islahatları aparmağı, dövlət xərclərini azaltmağı və mövcud vəsaitdən daha səmərəli istifadə etməyi təklif edirlər. Deputat Ephraim Abele Kayembe bildirib ki, Malavi uzun müddət donorların yardımından asılı qala bilməz.
Parlament həmçinin korrupsiyaya qarşı mübarizənin gücləndirilməsini və dövlət vəsaitlərinin daha şəffaf idarə olunmasını vacib hesab edir. Məqsəd səhiyyə xidmətlərinin maliyyələşdirilməsini qorumaq və ölkənin xarici yardımlardan asılılığını azaltmaqdır.