Xəbərlər
22.07.2026 12:51
169
Cənubi Koreya Prezidenti Li Cae Myon bir neçə ölkəyə səfər edəcək
Cənubi Koreya Prezidenti Li Cae Myon iyulun 24-dən avqustun 3-dək ABŞ, Braziliya, Çili, Argentina və Almaniyaya səfər edəcək. Səfər çərçivəsində o, Braziliya, Çili və Argentina liderləri ilə ikitərəfli görüşlər keçirəcək.
QHT.az xarici mediaya istinadən bildirir ki, Prezident Li ABŞ-ın San-Fransisko şəhərində keçiriləcək süni intellekt (AI) sammitində iştirak edəcək. O, burada Nvidia-nın baş direktoru Censen Huanq, OpenAI rəhbəri Sem Altman və Anthropic rəhbəri Dario Amodei ilə görüşəcək.
Cənubi Koreya bu səfər vasitəsilə Cənubi Amerika ölkələri ilə ticarət, enerji və kritik minerallar sahəsində əməkdaşlığı genişləndirməyi hədəfləyir. Prezident Li həmçinin San-Fransiskoda aparıcı vençur kapitalı şirkətlərinin rəhbərləri ilə görüşərək investisiya və texnologiya sahəsində əməkdaşlıq imkanlarını müzakirə edəcək.